Qafqazagency.ir xəbər verir ki,Venesuelanın İraqdakı səfiri İmam Hüseyn (ə) hərəmini ziyarət edərək deyib: “Bura ölkəm üçün dua etməyə gəlmişəm.”
İraqın Nun xəbər agentliyinin məlumatına görə, Venesuelanın İraqdakı səfiri Arturo Anibal, Kərbələdə İmam Hüseynin Müqəddəs Hərəminin baş katibi Həsən Rəşid əl-Ubəycî ilə görüşdə bildirib:
“Biz bu müqəddəs məkana gəldik ki, təhdid altında olan ölkəmiz üçün dua edək.”
O əlavə edib: “Kərbəla və Nəcəf vilayətlərinə səfərimizin məqsədi müqəddəs məkanları ziyarət etmək və Venesuela ilə birlikdə yerləşdiyimiz Cənubi Amerika üçün sülh diləməkdir.”
Anibal vurğulayıb: “Kərbəla və Nəcəf qubernatorları ilə görüşdüm, məqsəd İraq və Venesuela arasında əlaqələri gücləndirmək idi.”
Digər tərəfdən, İmam Hüseynin Müqəddəs Hərəminin baş katibi səfiri qarşılarkən deyib:
“Latın Amerikasının xalqları, xüsusilə Karib hövzəsində yaşayanlar, saf qəlbli və səmimi insanlardır. Venesuela xalqı da haqq və məzlum millətləri müdafiə etməkdə parlaq və şərəfli tarixə malikdir.”
Qeyd edək ki, Venesuela prezidenti Nikolás Maduro cümə axşamı bildirib: “Ölkəmizdə Karib dənizindəki Amerika qüvvələrinə qarşı istifadə üçün beş min ədəd rus istehsalı zenit-raket sistemi mövcuddur.”
