Qərar verilmişdi ki, Şəhid Seyid Həsən Nəsrullahın ərşə ucaldığı məkanadək məqbərədən 6 partlayış 6 dəqiqə fasilə ilə həyata keçirilsin, lakin bu plan Hizbullahın təhlükəsizlik qüvvələri tərəfindən aşkarlanıb və işin davamını Livan kəşfiyyatı həyata keçirib.
Qafqazagency.ir xəbər verir ki, Dünən İmam Zamanın (ə.f.) şərəfli əsgərləri – Hizbullahın təhlükəsizlik və kəşfiyyat təşkilatının qüvvələri – sionist düşmənin xarici əməliyyat orqanı olan Mossad-a bağlı ən böyük əməliyyat qruplarından birinə sarsıdıcı zərbə endirməyə nail olublar.
Təhlükəsizlik mənbələrinin bildirdiyinə görə, bu dəqiq əməliyyat nəticəsində Müqavimət ovçuları çox qiymətli bir hədəfi ələ keçiriblər. Livanın Ümumi Təhlükəsizlik İdarəsi ilə əməkdaşlıqda tamamlanan bu dosye İsrailin Livanda bir neçə terror əməliyyatı keçirmək planını tam şəkildə ifşa edib.
Düşmənə bağlı bir şəbəkə Seyid Həsən Nəsrullahın şəhadətinin ildönümündə hücumlar həyata keçirməklə vəzifələndirilmişdi.
Bu şəbəkə partlayıcı maddələri və avadanlıqları hazırlamaq üçün ən-Nəqqaş və Ərəmun bölgələrindəki anbarlardan istifadə edirdi.
Qərbi Bəqada yerləşən “əs-Sultan Yaqub” kəndindən olan Məhəmməd Saleh bu işdə Mossad-ın əsas agentlərindən biri kimi müəyyən edilərək həbs olunub.
Əməliyyat qrupları Seyid Nəsrullahın şəhadətinin ildönümündə hava limanı yolu və Seyidin şəhid olduğu Haret Hreyk bölgəsində beş dəqiqə fasilə ilə altı ardıcıl partlayış həyata keçirməyi planlaşdırırdılar.
Aşkarlanmış plana görə, terrorçular izdihamlı mərasim iştirakçılarını hədəf almaq üçün motosikletlərdən və partlayıcı yüklü bir “Jeep” avtomobilindən istifadə etməyi planlaşdırmışdılar.
Düşmənin bu hərəkəti cəmiyyətdə qorxu yaratmaq, Livanın təhlükəsizlik vəziyyətini pozmaq və Müqavimət oxunun ruhuna zərbə vurmaq məqsədi daşıyırdı. Lakin Müqavimət təhlükəsizlik qüvvələrinin ayıqlığı və məlumat üstünlüyü sayəsində planın bütün təfərrüatları icra olunmadan zərərsizləşdirildi.
Bu əməliyyat təkcə böyük bir faciənin qarşısını almadı, həm də Hizbullahın Mossad-la gizli müharibədə kəşfiyyat üstünlüyünü bərpa etdiyini göstərdi.
