Qafqazagency.ir xəbər verir ki,İranın Naxçıvan Muxtar Respublikasındakı baş konsulunun Araz Azad İqtisadi Zonası Təşkilatının baş direktoru ilə görüşü, İran, Azərbaycan Respublikası və Naxçıvan arasında üçtərəfli iqtisadi əməkdaşlığın yeni mərhələsinin başlanğıcı kimi qiymətləndirilir. Görüşdə hər iki tərəf Araz bölgəsinin bu əməkdaşlığın inkişafında əsas mərkəz rolunu oynayacağına xüsusi vurğulayıblar.
Görüş zamanı İranın baş konsulu Müqəddəmzadə, Araz Azad İqtisadi Zonasının bənzərsiz iqtisadi, sənaye və coğrafi potensialına diqqət çəkərək bildirib:
Araz bölgəsində sərmayə yatırımı üçün geniş imkanlar mövcuddur. Mədəni və tarixi baxımdan ortaq dəyərlərə sahib olan dost və qonşu ölkələrin sərmayədarlarını bu imkanlarla tanış olmağa dəvət edirik.
O əlavə edib: Xarici sərmayədarların bölgədə fəaliyyəti üçün bütün zəruri infrastruktur təmin olunub və Araz Azad İqtisadi Zonası Təşkilatı Azərbaycan və naxçıvanlı sahibkarlara tam dəstək verməyə hazırdır.
Araz Azad İqtisadi Zonası Təşkilatının baş direktoru da bölgənin sənaye, bərpa olunan enerji və emal sənayesi sahələrindəki strateji əhəmiyyətinə diqqət çəkərək bildirib ki, İranın Naxçıvandakı baş konsulluğunun imkanlarından istifadə olunaraq iqtisadi əlaqələr daha da genişləndiriləcək.
