Qafqazagency.ir xəbər verir ki, İran İslam Respublikasının sənaye, mədən və ticarət naziri Seyid Məhəmməd Atabək regional ticarətin, xüsusilə Avrasiya İqtisadi İttifaqına üzv ölkələrlə iqtisadi əməkdaşlığın genişləndirilməsi məqsədilə Belarusda İttifaqa üzv dövlətlərin baş nazirləri və yüksək vəzifəli rəsmiləri ilə intensiv görüşlər keçirib.
Eyni zamanda İran-Belarus Birgə İqtisadi Komissiyasına sədrlik edən Atabək, İranın birinci vitse-prezidentinin nümayəndəsi qismində Baş Nazirlər Şurasının iclasında iştirak edib və Belarusun iqtisadiyyat və sənaye sahələri üzrə rəhbər şəxsləri ilə danışıqlar aparıb.
Minskdə keçirilən Beynəlxalq Sənaye İnovasiyaları sərgisinin açılış mərasimində çıxış edən nazir bildirib:
Regionumuzun gələcəyi bu gün ölkə liderlərinin iradəsi və xalqlarımızın milli maraqlarına uyğun veriləcək qərarlardan asılıdır.
