Qafqazagency.ir xəbər verir ki, Ruhanilər, ictimai xadimlər və sıravi inanclıların yer aldığı müraciətdə ölkədə inanclılara qarşı təzyiq, dini dəyərlərin məhdudlaşdırılması, həbslər və işgəncələr yer alıb. Məktubda xüsusi olaraq bir müddət öncə həbs olunan altı inanclı xanımın saxlanılması, barələrində cinayət işinin açılmasına hiddət əks olunub.
“Azərbaycanın 1991-ci il müstəqilliyin bərpasından sonra beynəlxalq təşkilatlarla əməkdaşlıq, üzvülüyü ölkənin fundamental hüquqlarının Sovet idarə sistemindən fərqli olaraq inkişafına ümid yaratdı. Təəssüf ki, siyasi idarəçilik rejimin atadan oğula – Əliyevlərin idarəsi altında 32 illik bir zamanı əhatə edən rəhbərliyi ciddi diktatur quruluş formalaşdıraraq bütün gözləntiləri sıfıra endirdi.
Hal-hazırda rəsmi rəqəmlərlə ölkənin siyasi məhbus sayı 400-dən artıqdır və hakimiyyətin düşüncə və fikir azadlığına yönələn həbs dalğası durmadan davam edir.
Bu sırada inanc, dini düşüncə tərzi xüsusi təzyiq altındadır. 2022-25-ci ildə Azərbaycanda həbs olunan inanclıların sayı 700-dən artıqdır. Hər il hazırlanan ənənəvi siyasi məhbus siyahasında inanclıların sayı durmadan artır.
Bütün sadalanan və qeyd edilən hallardan irəli gələn məlum hüquq pozuntularını nəzərə alaraq sizə Azərbaycan xalqı, xüsusi olaraq əhalisinin 70%-ni təşkil edən inanclılar adından müraciət edirik.”
Müraciət ünvanlayan inanclılar məktubdə əks olunan problemlərin zamanla hüquq müdafiəçilərinin hesabatlarında yer alan məlum məhdudiyyətlərdən qaynaqlandırdığını bildirərək beynəlxalq təşkilatların hüquq və azadlıqlara yönələn bu kimi addımların yölverilməzliyinə diqqət çəkiblər. Eyni halda onlar beynəlxaq konvensiyalarla qorunan Dini Etiqad Azadlığının pozulmasına reaksiya vermələrini təşkilatlardan istəyiblər.
