Prezident deyib: Ermənistan və Azərbaycan arasında sülhün bərqərar olmasına yönələn razılaşmalara dəstək veririk, lakin Qafqazda qeyri-regional qüvvələrin mövcudluğuna da qarşıyıq.
Qafqazagency.ir xəbər verir ki,Məsud Pezeşkian, 2025-ci ilin sentyabırın 1-də Çinə səfərinin ikinci günündə, Rəcəb Təyyib Ərdoğan ilə görüşündə qeyd edib: İslam dünyasında birliyi qorumaq üçün bütün gücümü sərf etmişəm və bu ilahi əmrə, Peyğəmbərimizin (s) sünnəsinə uyğun olaraq, qonşularımızla əlaqələri gücləndirməyə çalışıram. O əlavə edib: Bu inamla, qonşularla əməkdaşlığı möhkəmləndirmək üçün çalışıram.
Prezident, İran və Türkiyə arasındakı ticarət mübadiləsinin və iqtisadi əlaqələrin artırılmasının, hər iki ölkə arasında bankçılıq və gömrük sahələrində əməkdaşlığın asanlaşdırılmasını vurğulayaraq deyib: Biz, əlaqələrin genişlənməsi və inkişafı üçün qarşıya çıxacaq maneələri aradan qaldırmaq üçün əməkdaşlığa hazırıq.
Pezeşkian, həmçinin Türkiyənin sionist rejiminin cinayətlərinə qarşı mövqeyini və bu rejimlə iqtisadi əlaqələri kəsmələrinə işarə edərək deyib: Ermənistan və Azərbaycan arasındakı razılaşmaları, sülhün təmin olunması istiqamətində dəstəkləyirik. Eyni zamanda, Qafqazda qeyri-regional qüvvələrin mövcudluğuna qarşıyıq.
Prezident, Beynəlxalq Atom Enerjisi Agentliyi ilə yeni bir çərçivəyə əsaslanan danışıqlara başlandıqlarını bildirərək əlavə edib: Amerika Birləşmiş Ştatları ilə, İran İslam Respublikasının nüvə hüquqlarını tanımaq şərti ilə müzakirələrə və qarşılıqlı faydalı razılaşma əldə etməyə hazırıq. Snapback mexanizminə gəldikdə isə, Avropa ölkələri, öz öhdəliklərini yerinə yetirmədikləri üçün onu işə salmağa hüquqları yoxdur. Əgər belə bir səhv yol verərlərsə, bütün danışıqlar və əməkdaşlıqlar dayandırılacaq.
Pezeşkian, İran və Türkiyənin Suriyanın ərazi bütövlüyü və İraqın siyasi sabitliyi məsələsində eyni mövqedə olduqlarını vurğulayıb və Türkiyədəki Ordu Günü münasibətilə təbriklərini çatdıraraq ümid edib ki, hər iki ölkənin silahlı qüvvələri də ümumi əməkdaşlıq çərçivəsində faydalı və konstruktiv əlaqələr quracaq.
Türkiyə Prezidenti isə bu görüşdə, İranın sülhməramlı nüvə fəaliyyəti sahəsindəki qanuni hüququnu dəstəklədiyini bildirərək deyib: Tətik mexanizminin işə salınması fayda verməməklə yanaşı, tamamilə qeyri-konstruktiv bir addımdır.
