Əgər müqavimət olmasaydı, İsrail Beyruta çatardı
Qafqazagency.ir xəbər verir ki, Livan Hizbullahının baş katibi, Livan hökumətinin müqaviməti tərksilah etmək qərarına toxunaraq bildirib: Heç vaxt silahı kənara qoymayacağıq. Bu silahlar bizə şərəf və güc verir və düşməndən qoruyur.
Şeyx Nəim Qasim, bu günki çıxışında Livan hökumətinin müqavimətin tərkisilah qərarına işarə edərək bildirib: “Heç vaxt bizim şərəf və gücümüzü artıran, bizi düşmənlərdən qoruyan silahı kənara qoymayacağıq.”
Livanın müqavimətinin başçısı, davamında vurğulayıb: Əgər müqavimət olmasaydı, işğalçı İsrail Dəməşqə çatdığı kimi, Beyruta da çatıb Suriyada olduğu kimi Livanın da 600 km-ni işğal edəcəkdi.
Şeyx Nəim Qasim qeyd edib: Müqavimət, işğalçı rejimin məqsədlərinə qarşı möhkəm bir maneə olaraq qalacaq və işğalçılar heç vaxt Livanda qalaraq öz genişlənmə planlarını həyata keçirə bilməyəcəklər.
O, həmçinin əlavə edib: Livan hökuməti bu qərarla, ölkə və xalqı üçün yanlış bir qərar qəbul edib. İsrailin təcavüzlərinin davam etdiyi və bu ölkənin ABŞ-nin himayəti altında genişlənmə planlarını həyata keçirməyə çalışdığı bir dövrdə bu qərar verilib.
Şeyx Nəim Qasim bildirib: Livan hökumətinin bu qərarı, ABŞ və İsrail tərəfindən diktə edilmiş bir qərardır və əgər bu yanaşma davam edərsə, Livan hökuməti ölkənin suverenliyini qorumağa qadir olmayacaq.
