Qafqazagency.ir xəbər verir ki,İran Prezidenti, Vladimir Putinlə telefon danışığında, Rusiyanın İranın zənginləşdirmə hüququ ilə bağlı mövqeyinə görə təşəkkür edərək deyib: “İran, öz dini prinsipləri və müdafiə doktrinasına əsaslanaraq, heç vaxt nüvə silahı istehsal etməyib və etməyəcək də.”
Bu gün, 3 avqust 2025-ci il tarixində, Rusiya Prezidenti Vladimir Putin, ABŞ Prezidenti ilə son müzakirələrini və Alayskadakı danışıqlarının nəticələrini izah edərək, bu görüşlərdə yaxşı nəticələr əldə etdiklərini və əgər tamamilə həyata keçirilərsə, Ukrayna məsələsinin həll olunacağını qeyd etdi. O, əlavə olaraq bildirdi: “Bizim bu görüşdəki danışıqlarımız tamamilə Ukrayna məsələsi ilə bağlı oldu.”
Rusiya Prezidenti, İranla əlaqələrin davamlı və inkişaf edən bir proses olduğunu vurğulayaraq deyib: “Bu ilin ilk altı ayında iki ölkə arasında ticarət mübadiləsi 11% artıb və digər sahələrdə, məsələn, Rəşt-Astara dəmir yolu inşası kimi əməkdaşlıqlar da sürətlə irəliləyir.”
Putin, həmçinin Buşehr atom elektrik stansiyasındakı əməkdaşlığın qənaətbəxş olduğunu və bu sahədə bütün texniki əməkdaşlıqların təyin olunmuş müddət ərzində həyata keçirildiyini qeyd edərək, yeni yanacağın bu stansiyaya təchiz edilməsinin davam etdiyini bildirdi.
Rusiya Prezidenti, İranın uran zənginləşdirmə hüququnun Rusiya üçün mühüm və həlledici olduğunu vurğuladı və ümid etdiyini bildirdi ki, 2231 saylı BMT qətnaməsi ilə bağlı danışıqlar müsbət nəticələnəcək.
Pezeşkian, telefon danışığında, Prezident Putinin dediklərinə əsaslanaraq, Alyaskadakı danışıqların yaxşı nəticələr verdiyini bildirərək deyib: “Ümid edirəm ki, əldə edilən razılaşmalar Ukrayna məsələsinin daha tez həllinə səbəb olacaq.”
Prezidentimiz, Rəşt-Astara dəmir yolunun tikintisinin sürətləndirilməsini və digər ikitərəfli razılaşmaların həyata keçirilməsini şəxsən olaraq izlədiyini qeyd edərək əlavə edib: “İran, Rusiyayla olan iki tərəfli münasibətlərdən əlavə, Avrasiya İttifaqı, Şanxay Təşkilatı və BRİKS kimi regional və beynəlxalq təşkilatları, xüsusən Rusya və Çinlə birlikdə hegemonluğa qarşı mübarizədə effektiv əməkdaşlıq üçün əlverişli bir platforma hesab edir.”
Pezeşkian, Rusiyanın İranın zənginləşdirmə hüququna münasibətini təqdir edərək, deyib: “İran, dini və müdafiə doktrinasına əsaslanaraq, heç vaxt nüvə silahı istehsal etməyib və etməyəcək də.”
O, həmçinin son zamanlarda Ermənistana etdiyi səfəri xatırlayaraq deyib: “Bu səfərdə, Ermənistanın baş naziri, ölkəsinin Azərbaycan və ABŞ ilə apardığı son danışıqlarda, İran və Rusiya tərəfindən nəzərə alınan bütün məqamların tamamilə uyğunlaşdırıldığını bildirdi. Bu səbəbdən, hesab edirəm ki, İran və Rusiyanın iştirakı ilə 3+3 formatında olan danışıqlar, Cənubi Qafqazın məsələlərinin həlli üçün daha təsirli və səmərəli bir mexanizm olacaq.”
