Qafqazagency.ir xəbər verir ki, 8 saylı ciddi-qapalı rejimli müəssisədə cəza çəkən siyasi məhbus Şamil Abduləli İmam Hüseynin (ə) 40-ı mərasimində ehsan paylayan xanımların saxlanılmasına etirazını bildirib. Həbsxanadan ünvanladığı etiraz məktubunda o, baş verənləri qınayıb və hakimiyyətdən bu məsələdə həssaslıq nümayiş etdirməsini istəyib:
“İmam Hüseyn (ə) ehsanı verən inanclı xanımların həbs edilməsi yol verilməzdir, bunu qətiyyətlə pisləyirik və azad olunmalarını tələb edirik.
Bu məsələnin dindarlarla dövlət arasında növbəti gərginliyə yol açmadan həll olunacağını gözləyirik.”
