Qafqazagency.ir xəbər verir ki,Dünən, avqustun 20-də Almaniyada yaşayan azərbaycanlı mühacirlər tərəfindən yaradılmış Demokratik Azərbaycanı Seç (DAS) təşkilatının üzvləri Berlində etiraz aksiyaları keçiriblər.
Aksiyalar avqust ayının 20-də Xarici İşlər Nazirliyi və “Amnesty international” qarşısında baş tutub.
Bu barədə Meydan TV-yə məlumat verən təşkilatçılar bildiriblər ki, məqsəd Azərbaycanda insan hüquqlarının pozulmasına, xüsusilə jurnalistlərin və siyasi fəalların həbslərinə, söz və media azadlığının məhdudlaşdırılmasına beynəlxalq diqqət çəkmək olub.
İştirakçılar siyasi məhbuslara azadlıq və azad medianın bərpası çağırışları ilə çıxış ediblər.
Aksiyaların növbəti günlərdə də Azərbaycan səfirliyi, Birləşmiş millətlər təşkilatı, Bundestaq qarşısında keçiriləcəyi də planlaşdırılır.
