Qafqazagency.ir xəbər verir ki,İran İslam Respublikasının Prezidenti Məsud Pezeşkian, Belarusda rəsmi səfəri çərçivəsində ölkənin Prezidenti ilə keçirdiyi birgə mətbuat konfransında Belarus hökumətinə və Prezidentə mükəmməl qonaqpərvərliklərinə görə təşəkkür edərək əlavə edib: Belarus ilə əlaqələr ən yüksək səviyyədə davam etdirilir və bu səfər iki ölkə arasındakı əlaqələrin inkişafında mühüm bir mərhələdir. Bu səfərin nəticələrini gələcəkdə, əməkdaşlığın sürətlə inkişaf etdiyinin şahidi olacağıq.
Pezeşkian, Belarusun Avrasiya regionunda strateji əhəmiyyətə sahib bir ölkə və İran üçün etibarlı bir tərəfdaş olduğunu vurğulayıb və iki ölkə arasında 2023-2026-ci illəri əhatə edən əməkdaşlıq yol xəritəsinin qarşılıqlı əlaqələri daha da aydınlaşdırdığını bildirib. Biz bu yol xəritəsinin tam olaraq həyata keçirilməsi üçün səylərimizi davam etdirəcəyik və İran İslam Respublikası Belarusla əlaqələrin inkişafına yüksək önəm verir.
Pezeşkian, həmçinin iki ölkə arasında ticarət, regional və beynəlxalq məsələlər üzrə fikir mübadiləsi apardıqlarını və bu müzakirələr çərçivəsində bir çox məsələlərdə ortaq mövqelərə sahib olduqlarını qeyd edib: İran İslam Respublikası Belarusla əlaqələrin daha da gücləndirilməsi üçün heç bir məhdudiyyət görmür və Belarus Prezidentinin Tehrana əvvəlki səfəri zamanı imzalanan yol xəritəsinin tam icrasını dəstəkləyirik.
