Azərbaycanlı hüquqşünas alim fələstinlilərin müdafiəsinə qalxaraq, onların haqlı müqavimətini alqışlayıb.
Qafqazagency.ir xəbər verir ki, Tanınmış vəkil Əkrəm Həsənov Facebook üzərində paylaşdığı qısa yazıda bildirib: “Fələstin xalqı misli görünməmiş qəhrəmanlıq tarixi yazır. Aşkar soyqırım qarşısında əyilmir, qaçqın-köçkün taleyini seçmir, Vətənini tərk etmir. Tarixdə buna bərabər misal yoxdur. Bu xalq müstəqilliyə layiqdir və Allahın izni ilə dövlətçiliyinə qovuşacaq”.
Hüquqşünas alimin bu dəstək mesajı Facebook istifadəçiləri tərəfindən bəyənilib.
Onlardan biri şərhlər bölümündə yazıb: “Bəziləri bu zülmü edənləri dəstəkləyir”.
Xatırladaq ki, özünü Nobel Sülh Mükafatına namizəd etmiş Amerika prezidenti Donald Tramp nəinki İsrailin zülmünü dəstəkləyir, hətta onun cinayət ortağına çevrilib və vampir rejimin fələstinlilərə qarşı soyqırımını himayə edir. Azərbaycan hökumətinə gəlincə, onunla sionist rejim arasında neft və silah sövdələşməsinə bir gün belə fasilə verilməyib və İsrailin neftə olan tələbatının azı 40 faizi Bakı nefti hesabına təmin olunur.
