Gürcüstanın Dini Agentliyi Ərbəinlə bağlı məlumat yayıb

Qafqazagency.ir xəbər verir ki, Gürcüstanın Dini Agentliyi şiə müsəlmanların qeyd etdiyi “Ərbəin” günü ilə bağlı məlumat yayıb.

Agentliyin məlumatında deyilir ki, Ərbəin – İmam Əlinin oğlu, Məhəmməd Peyğəmbərin (s) nəvəsi İmam Hüseyn ibn Əli və onun səhabələrinin 680-ci ildə (hicri 61-ci il) Kərbəla hadisəsində şəhid edilməsindən sonra keçən 40-cı günün anılmasıdır.

Məlumatda bildirilir ki, bu münasibətlə şiə icmaları matəm mərasimləri keçirir, İmam Hüseyn və səhabələrini xatırlayır, onların ruhuna dualar oxuyurlar.

Məlumatı Bütün Gürcüstan Müsəlmanları İdarəsinin Şeyxi Hacı Faiq Nəbiyev özünün facebook səhifəsində paylaşıb.