Rəsmi Lyublyana İsrail nazirlərini “qara siyahı”ya daxil edib.
Qafqazagency.ir xəbər verir ki, bu barədə Sloveniya xarici işlər naziri Tanya Fayyon məlumat verib.
Söhbət İsrailin milli təhlükəsizlik naziri İtamar Ben-Qvir və maliyyə naziri Betsalel Smotriçdən gedir. Onlar soyqırımı və qətliamları təşviq edən bəyanatları ilə Fələstin xalqına qarşı zorakılığı və onların hüquqlarının kobud şəkildə pozulmasını təhrik edirlər.
Qeyd edilib ki, Sloveniya İsrail nazirlərinə qarşı bu cür addımlar atan Avropa İttifaqının (Aİ) ilk üzv ölkəsi olub.
Sözügedən qərar 15 iyul Brüssel görüşü zamanı Aİ ölkələrinin XİN başçılarının İsrailə qarşı birgə addımlarla bağlı ortaq məxrəcə gələ bilməməsindən sonra qəbul edilib.
Sloveniya 2024-cü ilin iyun ayında Fələstin Dövlətini rəsmi şəkild tanıyıb, həmçinin İsraili Qəzza sektorundakı hərbi cinayətlərinə görə tənqid edir.
