Bu il Ərbəin piyada ziyarəti İraqın ən cənub nöqtəsi olan Rəsülbişə bölgəsindən — Bəsrə vilayətinin Fav şəhərindən — Kərbəla-i Müəllaya, azadə insanların qibləsinə doğru rəsmi şəkildə başladı.
Qafqazagency.ir xəbər verir ki, Bu, İmam Əbaəbdillah Hüseynin (ə) zülmlə şəhid edilməsinin əllinci gününün yad olunmasına hələ bir aydan çox vaxt qalmasına baxmayaraq, İraq şiələri və Əhli-beyt (ə) aşiq və sevənləri Ərbəin piyada yürüşünü İraqın ən cənub nöqtəsindən başlatdılar.
İraq mənbələrinin verdiyi xəbərə görə, bu il Ərbəin yürüşü Bəsrə vilayətinin Fav rayonunda yerləşən Rəsülbişə bölgəsindən başlayıb və Kərbəla-i Müəllaya — azadlığa inananların qibləsinə doğru davam edir.
İraq hökuməti bu il Ərbəin mərasimlərinin daha möhtəşəm keçirilməsi məqsədilə müxtəlif komitələr təşkil edib və xüsusilə təhlükəsizlik və xidmət sahəsində xüsusi tədbirlər nəzərdə tutulub.
Həşdi-Şəəbi (xalq səfərbərlik qüvvələri) İraqın ən böyük rəsmi xalq qüvvəsi kimi, digər təhlükəsizlik qüvvələri ilə birlikdə İmam Hüseynin (ə) Ərbəin ziyarətində zəvvarların və yürüş yollarının təhlükəsizliyini təmin etmək vəzifəsini öz üzərinə götürüb.
