İsrailə gedən bütün gəmilər hədəf alınacaq.
Qafqazagency.ir xəbər verir ki, bu barədə Yəmən rəsmisi (“Ənsarullah” hərəkatı, husilər) Nəsr əd-Din Amir bəyan edib.
Amir vurğulayıb ki, Yəmən ordusu İsrailə qarşı blokadanı pozan bütün gəmiləri vuraraq batıracaq.
O deyib ki, Yəmən heç bir təxribat törətmir, yalnız özünü müdafiə edir və Qəzza sektorundakı qardaşlarını – Fələstin xalqını dəstəkləyir.
“İşğalçı düşmən (olan İsrail) öz cinayətlərini davam etdirdikcə və Qəzza sektorunun xalqını aclıqla qətlə yetirdikcə bizim əxlaqi borcumuz Qəzzanı dəstəkləmək olacaq“, – deyə o qeyd edib.
Xatırladaq ki, son həftə ərzində Yəmən ordusu İsrailə gedən iki gəmini batırıb.
Husilər Qəzza sektorunda İsrail ordusu tərəfindən soyqırımı və qətliama, hərtərəfli blokada altında aclıq və susuzluğa məruz qalan Fələstin xalqına dəstək məqsədilə İsrailə qarşı hərbi əməliyyatlar keçirir, ona qarşı havadan və sudan blokada tətbiq edir.
