Qafqazagency.ir xəbər verir ki, Ali Liderin beynəlxalq məsələlər üzrə müşaviri Əliəkbər Vilayəti, Trampın Qərbi Asiyada İrana qarşı hərbi bir hərəkətə cəsarət etməsi halında, ABŞ-ın bu bölgədəki nüfuzundan əsər-əlamət qalmayacağını bildirib və əlavə edib: İran tarixində işğalçılar qarşısında heç vaxt baş əyməyib.
Əliəkbər Vilayəti şəxsi səhifəsində, Ali Rəhbərin on min illik müqavimət tarixinə malik İran xalqı barədə səsləndirdiyi fikrə istinad edərək yazıb:
“Ali Rəhbər buyurublar: İran heç vaxt təslim olmayacaq. Bu ifadə, tarix boyunca İskəndər, Bizans imperatoru, monqollar, Britaniya müstəmləkəçiləri və dünya müharibələrinin işğalçıları qarşısında baş əyməyən müqavimətçi İran xalqının on min illik iradəsindən qaynaqlanır.”
Vilayəti başqa bir paylaşımında isə ABŞ prezidentinin ziddiyyətli davranışlarına işarə edərək deyib:
“Səhər bir söz deyib axşam onu inkar edən bu şəxs – ya da hər hansı bir başqası – anlamalıdır ki, əgər Qərbi Asiyada İrana və Müqavimət Cəbhəsinə qarşı hər hansı bir cəhdə girişsə, ABŞ-ın bu bölgədəki mövcudluğu və təsiri tamamilə yox olacaq.”
