Qafqazagency.ir xəbər verir ki, növbəti İqtisadi Əməkdaşlıq Təşkilatının (İƏT) sammiti İranda keçiriləcək.
Bu barədə Xankəndidə keçirilmiş 17-ci İƏT Sammitinin yekunlarına dair İƏT-in mətbuat relizində bildirilir.
“17-ci İƏT sammiti, üzv dövlətlərin dayanıqlı iqtisadi artıma, daha dərin regional inteqrasiyaya və inklüziv inkişafa olan ortaq sədaqətini gücləndirmək üçün mühüm bir platforma rolunu oynadı. Gələcəyə baxaraq, növbəti İƏT sammitinin 2027-ci ildə keçirilməsi planlaşdırılır və bu tədbir İran İslam Respublikası tərəfindən təşkil olunacaq. Bu isə regional əməkdaşlıq və irəliləyiş istiqamətindəki impulsu davam etdirəcək”, – deyə bəyanatda qeyd olunur.
