Qafqazagency.ir xəbər verir ki,Rusiya Xarici İşlər Nazirliyinin sözçüsü Mariya Zaxarova bildirib ki, Moskva və Bakı arasında dostluq münasibətlərinin qorunması hər iki tərəf üçün çox vacibdir. Onun sözlərinə görə, bu əlaqələri pozmaq istəyənlər addımlarının nəticələrini ciddi şəkildə düşünməlidirlər.
Zaxarova “Sputnik” radiosuna verdiyi müsahibədə qeyd edib ki, hazırda Rusiya-Azərbaycan münasibətlərinə zərbə vurmaq istəyənlərin sayı az deyil. Lakin bu şəxslər nəticələrini nəzərə almalı, çünki bu əlaqələr hər iki ölkə üçün strateji əhəmiyyət daşıyır.
O, həmçinin son dövrlərdə Sputnik Azərbaycan ofisi ilə bağlı baş verən hadisələrə toxunaraq bildirib: “Bu media qurumu illərdir fəaliyyət göstərir, əməkdaşlarının əksəriyyəti azərbaycanlı və bəziləri isə rusiyalıdır. İndiyə qədər nə iş prinsipi, nə də məzmun baxımından Azərbaycan tərəfinin bu media ilə bağlı hər hansı iradı olmayıb.”
Zaxarova əlavə edib ki, Bakı tərəfindən Sputnik Azərbaycan-a qarşı son tədbirlər siyasi səbəblərlə bağlıdır və media qurumunun fəaliyyəti ilə bağlı real narahatlıq mövcud deyil.
Diplomat onu da bildirib ki, bu məsələ ilə əlaqədar Azərbaycanın Moskvadakı səfiri Rəhman Mustafayev Rusiya Xarici İşlər Nazirliyinə çağırılıb və onunla məsələ müzakirə olunub.
Zaxarova vurğulayıb: “Bu kimi hadisələr iki ölkə arasındakı münasibətlərə fayda vermir, əksinə onları daha da gərginləşdirə bilər.”
