Qafqazagency.ir xəbər verir ki, Azərbaycan İslam hərəkatı Ali şurası tərəfindən İmam Zamanın (əc) haqq naibi, İslam ümmətinin şanlı rəhbəri Ayətullah İmam Seyid Əli Xamenei həzrətlərinə
Azərbaycan İslam hərəkatı Ali şurası tərəfindən İmam Zamanın (əc) haqq naibi, İslam ümmətinin şanlı rəhbəri Ayətullah İmam Seyid Əli Xamenei həzrətlərinə
Ümmətin danışan dili, görən gözü və vuran əli olan əziz rəhbərimiz!
Azərbaycan müsəlmanları adından sizə 12 günlük müharibədə əldən verdiyiniz uca məqamlı komandirlər, dəyərli alimlər, eləcə də dinc əhalidən olan insanların şəhadəti münasibətilə başsağlığı veririk! Eyni zamanda sizi, başda ABŞ-İsrail olmaqla, sionist-imperialist qüvvələrin hücumları qarşısında rəşadətli müqavimətiniz, düşmənləri xar və zəlil edən izzətli qələbəniz münasibətilə təbrik edirik.
Qəfil və xain zərbələrdən, dəqiq və sürətli əməliyyatlardan sonra sizin vəziyyətə nəzarəti tam əlinizə almağınız nigarançılığımıza son qoydu.
Sizin, düşmən yanlış hesablamalar əsasında səhv qərar çıxardı, çox böyük qələt etdi və biz onu lazımınca cəzalandıracağıq – sözləriniz bütün İslam dünyasına ümid bəxş etdi. Silahlı qüvvələrinizin əzmkarlığı, düşmənin başına yağdırdıqları ağır raket hücumları təkcə müsəlmanların deyil, dünyanın bütün azadlıqsevər insanların ürəyindəki Qəzzə yarasına məlhəm oldu. Bütün bu zəfər və qələbələrə görə sizə, polad iradəli əsgərlərinizə, mömin, təqvalı və möhtəşəm İran xalqına təşəkkürümüzü bildiririk. Sizə cansağlığı, müvəffəqiyyətlər və dşümənlərimiz üzərində daha böyük qələbələr arzulayırıq. Ümid edirik Allahın yardımı, sizin himayədarlığınız və Azərbaycanın mübariz əsgərlərinin əli ilə Qarabağ azad edildiyi kimi, yaxın gələcəkdə Beytül-müqəddəsin də azadlığına nail olaq, Fələstin və onun mücahid xalqının qələbəsini bayram edək.
Həmişə dualarımız sizinlədir, sizin də müsəlman Azərbaycan xalqını dua etməyinizi rica edirik.
Azərbaycan İslam Hərəkatı Ali Şurası
25/06/2025
