Qafqazagency.ir – İran və sionist terror qruplaşmasının bu müharibədə nə qazandığını və nələri itirdiyini məntiqlə və qərəzsiz araşdıraq.
🔻Müharibədə tərəflər qarşılarına məqsəd qoyurlar və bu məqsədlərə nail olsalar, çoxlu itki versələr də, müharibədə qalib gəlirlər. Əgər bu məqsədlərə çatmasalar, hətta düşmənin çoxlu qüvvələrini öldürsələr də, uduzmuş olurlar.
🔷️Sözü uzatmadan mətləbə keçək.
🔹️İsrail (oxu: Amerika və Avropa) təcavüzkar və müharibəni başlatan tərəf kimi qarşısına üç məqsəd qoymuşdu.
1- İranda hakimiyyət dəyişikliyi
2- Nüvə obyektlərinin və zənginləşdirilmiş uranın məhv edilməsi
3- İranın raket imkanlarının məhv edilməsi.
🔹️İsrail (oxu: Amerika və Avropa) İrana ağır zərbələr vursa da, bu məqsədlərin heç birinə nail ola bilmədi. Bu müharibədə İsrail kəşfiyyat baxımından qalib gəldi, çünki aylar ərzində İranda dron istehsalı və paylanması şəbəkəsi qura bilmişdi. Lakin məqsədlərinə çatmadığından və bu şəbəkənin böyük bir hissəsi məhv edildiyindən real olaraq uğursuzluq hesab olunur.
🔷️Amma bu müharibənin digər tərəfində İran dayanırdı. İranda zəfər bayramı var, bəs doğrudanmı İran bu müharibədə qalib gəlib?
🔹️İran ərazisi hücuma məruz qalan bir ölkə kimi 40 ildən artıqdır ki, ən ağır sanksiyalara məruz qalır, lakin buna baxmayaraq, texnologiyanın ən son pilləsində olan, hərbi və maliyyə gücü baxımından dünyada lider mövqeyə malik olan ölkələrə qarşı təkbaşına dayana bilib.
🔹️İran bu müharibədə yüksək səviyyəli komandirlərini və alimlərini itirdi. Bu itkilər mənəvi, insani və psixoloji baxımdan İrana ağır zərbə hesab edilsə də, bu zərbəni dözülməz adlandırmaq olmaz. İran 93 milyon əhalisi olan, həyatının yarısından çoxunu bilavasitə iştirak etdiyi müharibələrdə (8 il İraqda (Səddam), sonra Suriya və İraqda (İŞİD) və s.) keçirmiş, çoxlu təcrübəli generalları olan bir ölkədir.
İranda SEPAH və ya ordu və onların alt qruplarının komandirləri neçə ildən bir baş komandan tərəfindən dəyişdirilir və elə deyil ki, komandir ömrünün sonuna kimi qalsın, məsələn, SEPAH komandiri. Əslində, bu itkilər psixoloji cəhətdən önəmlidir və strateji nailiyyət hesab edilmir.
🔹️Nüvə enerjisi ilə bağlı elm İrana xaricdən gətirilmir və iranlı alimlərin səyləri ilə yerliləşdirilib. İran komandirlərini itirdi, amma tez bir zamanda dəyişdirilə bilən çoxlu komandirlər var və belə də oldu.
🔹️İran müharibənin ilk günündə həm psixoloji, həm də hərbi cəhətdən real mənada məğlub oldu, amma tez özünə gəldi və tarazlığı dəyişdi. Raket və dron hücumlarına başladı və içəridə Mossad agentlərini həbs etdi və bu günə qədər də davam edir.
✳️İsrailin hava hücumundan müdafiə sisteminin 8 halqasına (Amerika və Avropa) baxmayaraq, İran işğal olunmuş ərazilərdəki hədəflərini o qədər vurdu ki, İsrail sərt senzura qanunlarını tətbiq etmək məcburiyyətində qaldı.
✅️ Ümumiyyətlə, İsrail öz məqsədlərinə çatmadığı üçün bu müharibədə hərbi cəhətdən məğlub oldu. İran çoxlu itki versə də, İsrailin məqsədlərinə çatmasına mane olduğu və İsrailə ağır zərbələr vurduğu üçün bu müharibənin qalibi sayılır. Amma mən hesab edirəm ki, İran kəşfiyyat baxımından bu müharibədə uduzub. Unutmayın ki, İran dünyanın super güclərinə qarşı döyüşüb və hamı bilir ki, onlar özləri döyüşə bilməyəndə atəşkəs elan edirlər.
