Qafqazagency.ir xəbər verir ki, İran İslam İnqilabının banisi imam Xomeyninin vəfatının 36-cı ildönümü münasibətilə çıxış edən Ayətullah Xamenei deyib: “Amerikanın nüfuzunun kəskin şəkildə azalması İmam Xomeyninin (r.ə) varlığı ilə əlaqəlidir…”
Ayətullah Xamenei buyurub: Siyasi sistemimiz — çox şükür — inkişaf və qüdrətə sahibdir və bu böyük bir inqilabın nəticəsidir. Bu inqilabın rəhbəri o böyük şəxsiyyət idi ki, vəfatından otuz ildən çox keçməsinə baxmayaraq, dünyadakı varlığı hələ də hiss olunur. Onun inqilabının təsirini dünya miqyasında açıq şəkildə müşahidə etmək mümkündür. Amerikanın dünyada nüfuzunun ciddi şəkildə azalması, eləcə də sionizmə qarşı nifrət məhz imam Xomeyninin inqilabının təsirlərindəndir.
İran İslam İnqilabı Qərb dünyasını təəccübləndirdi
İslam İnqilabının Ali Rəhbəri buyurub: Bu gün Qərb dünyasında insan Qərb dəyərlərinə qarşı bir nifrət dalğasının yarandığını görür. İmam məhz belə bir inqilab yaratdı.
Ali Dini Lider əlavə edib: İran İslam İnqilabı Qərb dünyasını təəccübləndirdi. Onlar düşünmürdülər ki, silah-sursat və maliyyə qaynaqları olmadan, tək bir ruhani bir milləti ayağa qaldıra bilsin.
İnqilab Rəhbəri: Heç kimin ağlına gəlməzdi ki, inqilab və İmam amerikalıları və sionistləri İrandan çıxara biləcək
Ayətullah Xamenei vurğulayıb: Heç kim ehtimal vermirdi ki, bu inqilab və bu İmam amerikalıları və sionistləri — illərlə İranda hər şeyə hakim olan bu qüvvələri — süpürüb ölkədən çıxara bilsin.
Seyyid Əli Xamenei bildirib ki, İran İslam İnqilabına qarşı Qərb tərəfindən olan fitnələrin dünyada nümunəsi yoxdur. İrana qarşı tətbiq edilən çirkin oyunlar dünyada heç bir ölkəyə tətbiq edilməyib. Ama yenə də onların planları alt-üst olub…
