Ermənistanın bombardmanları nəticəsində evləri dağılmış sakinlərə mənzillər verildi
Qafqaz.ir yerli mətbuata istinadən xəbər verir ki, müharibə dövründə Ermənistan silahlı qüvvələri Azərbaycanın münaqişə zonasından və cəbhə xəttindən uzaqda yerləşən şəhər və rayonlarındakı mülki əhalini, eləcə də infrastruktur obyektlərini hədəf seçib, müxtəlif növ silahlarla, artilleriya və ballistik raketlərlə atəşə tutaraq insanların əmlakına, infrastruktur obyektlərinə irimiqyaslı zərər vurub.
Məlumatda deyilir ki, Ermənistanın Gəncə şəhərinə atdıqları raket zərbələri nəticəsində yaşayış yerləri dağılmış sakinlərin bir hissəsi Novruz bayramı günlərində yeni mənzillərlə təmin edilib.
Gəncədə Dövlət Komissiyası tərəfindən ilkin mərhələdə raket zərbələri nəticəsində dağıntıya məruz qalmış çoxmənzilli yaşayış binalarında yaşayan 89 ailə müəyyən edilib. Sənədləşmə işi hazırda davam edir.
