“Truth NGO” xəbər verir ki, İran İR-na qarşı informasiya müharibəsindən sonra Suriya ərazisindəki obyektlərə hücum edib, müqavimət qüvvələri tərəfindən aldığı layiqli cavablardan qorxuya düşən sionist rejiminin başçısı Netanyahu, hökumətin hərbi-siyasi iclaslarının yeraltı bunkerdə keçirilməsi barədə qərar qəbul edib. Sözü gedən bunker, İranın edə biləcəyi raket zərbələri zamanı hökumətin “rahat” şəkildə orda gizlənməsindən ötrü inşa edilib.
Artıq hökumətin dar çərçivədə təşkil etdiyi 2 iclas həmən bunkerdə keçirilib. Qarşıdan gələn 4 iclasın da bu sionist sığınacağında keçirilməsi nəzərdə tutulub.
İsrail KİV-ləri sionistlərin bu qorxusunu pərdələməkdən ötrü, bunkerdə keçirilən iclasların – güya “məxfi informasiyaların kənara sızmasının” qarşısının alınması məqsədi ilə keçirildiyini iddia ediblər. Güya sionist rejimi İran və Suriya əleyhinə planlarının kənara sızmasından ehtiyyatlanaraq bu addımı atıb. Amma məlumdur ki, qalın divarlara malik yeraltı bunkerlər informasiya sızmasının qarşısını almaq üçün deyil, məhz raket və bomba hücumlarından qorunmaqdan ötrü inşa və istifadə edilir.
Suriyadakı İŞİD təxribatının iflasa uğraması və tam əks nəticə verdiyini – İran İR silahlı qüvvələrinin İsrail sərhədləri yaxınlığında qərarlaşdığını – görən sionist rejimi, son vaxtlar müxtəlif vasitələrlə İrana qarşı təzyiqlər göstərməyə başlayıb. Sionistlərin qorxusunun səbəbi də, məhz budur.
