Rusiya 2025-ci ilin sonunadək “3+3” konsultativ regional platformasının nazirlər səviyyəsindəki görüşünün keçirilməsini təklif edir.
Qafqazagency.ir xəbər verir ki, bu barədə Rusiyanın Ermənistandakı səfiri Sergey Kopırkin bildirib.
O deyib ki, indiki mərhələdə görüşün hazırlıq işləri aparılır.
“Biz hazırda Ermənistan və Azərbaycan ilə əlaqədəyik, çünki orada məsələ növbəlilikdədir. Yəni həm Ermənistan tərəfi, həm də Azərbaycan tərəfi öz ərazisində belə bir toplantını keçirməyə hazırdır, onlar sıranın növbəliliyini razılaşdırmalıdırlar, bizə isə, təbii ki, buna hər cür kömək edirik“, – deyə rus diplomat qeyd edib.
Səfirin sözlərinə görə, bu platformanın Türkiyə və İranla əlaqələrə sahib bütün iştirakçıları məlum görüşlərin faydalı, lazımlı format olduğunu və regionun problemlərinin həllində əsas rolun region dövlətlərinin özləri tərəfindən oynanılmalı olduğunu ifadə edirlər.
“Bu, bizim prinsipial mövqeyimizdir və həmkarlarımız da bizimlə həmfikirdirlər. Əlbəttə ki, 3-cü ölkələrin iştirakı dəyərli ola bilər, lakin o, reallığın başa düşülməsinin və regional oyunçuların özlərinin maraqları üzərində qurulmalıdır“, – deyə Kopırkin əlavə edib.
O, həmçinin vurğulayıb ki, Azərbaycan-Ermənistan normallaşması və ya Ermənistan-ABŞ dialoqu çərçivəsində müzakirə edilən bir çox məsələlər qaçılmaz şəkildə digər qonşu ölkələrin maraqlarına da təsir edir, məhz buna görə də “3+3” platforması obyektiv şəkildə çoxtərəfli dialoqun tələb olunan mexanizminə çevrilir.
O deyib ki, format artıq işləyir və bu format çərçivəsində 3 görüş keçirilib. Tbilisinin iştirakına gəlincə isə, Kopırkin bildirib ki, Gürcüstan ilk mərhələdə ekspert səviyyəsində maraq göstərirdi, tədbirlərin birində iştirak da edib, lakin sonradan məsafə saxlamağa başlayıb. Bununla belə, Rusiya səfiri qeyd edib ki, platformanın bütün iştrakçıları Gürcüstan üçün qapının açıq olması məsələsində həmfikirdir.
