Qafqazagency.ir xəbər verir ki,Müddətsiz aclıq məhbuslar müəssisə rəhbəri Şəfaət Abbasovun həbsxanada məhbuslara süni maneələr yaradaraq onları qarşıdurmaya çəkmək cəhdinə etiraz olaraq başladılıb. Məhbuslar aylardır müəssisədə müxtəlif bəhanələrin uydurularaq inanclıları sıxışdırmasını onların inancına yönəli növbəti təxribatın icrası kimi dəyərləndirirlər.
Həbsxanadan məhbusların mövzu ilə bağlı ünvanladığı məktubda deyilir:
“Məlum olduğu kimi hakimiyyət tərəfindən inanclı şəxslərin ölkə daxilində dini ayinləri yerinə yetirmələri qanunların və ictimai asayişin pozulması kimi qəbul edərək müxtəlif zaman və şəraitlərdə qurama ittihamlarla şərlənməyə məruz qaldılar. Məhkəmə hakimlərinin sifarişli hökmləri ilə həbs olunan yüzlərlə inanclı hal-hazırda müxtəlif cəzaçəkmə müəssisələrinə məhkum ediliblər.
Acınacaqlı hal isə burada da günahı əqidəsi olan şəxslərin süni maneə və məhdudiyyətlərlə üzləşməsidir. Hüquq və azadlıqlarımızla bağlı tələblərimiz müəssisə rəhbərliyinin burada inanclıları hədəfə almasına gətirib çıxarıb ki, hər addımda müxtəlif oyunlarla inanclıları qarşıdurmaya çəkməyə çalışır. Rəhbərlik bununla da inanclıları ixtişaş törətmək kimi çirkin ittihamlara qurban edərək daha sərt cəza növlərini icra etmək istəyir.
Yaxın günlərdə dini müstəvidə fikir ayrılığı oyunu da bu uğursuz addımın bariz nümunəsi idi. Müəssisədə güya sünnü və şiələr arasında qarşıdurma inanclıların yerində addımı ilə qarşısı alınaraq aradan qaldırıldı. Ancaq rəhbərlik az qala hər gün bir bəhanəni ortaya ataraq inanclı məhbusları hədələyir, onları ciddi qapalı rejimlərə, karserlərə göndərəcəyini söyləyir.
Bu səhərdən isə (sentyabrın 26-dan) müəssisədə ibadət edilməsi ilə bağlı yeni qaydalar elan edilərək inanclıların bu istiqamətdə məhdudiyyət tətbiq edildiyi bildirildi. Birmənalıdır ki, rəhbərlik buna inanclıların reaksiya verməsini istəyir və nəticə onların qanunlara tabe olmaması bəhanəsi ilə cəzalanmasını həyata keçirsin.
Bütün bu baş verənləri, sivil özünün müdafiəsinin nəticəsiz olduğunu nəzərə alaraq, hüquqlarımızın bərpası, bizlərə qarşı olunan haqsızlıqlara son qoyulması, bizə vurulan maddi və mənəvi zərərləri dahada dərinləşməməsi üçün biz 26.09.2025-ci il tarixdən müddətsiz aclıq aksiyasını elan edirik.
Samo Əsgərov
Nizami Əhmədov
Rza Kərimov
Zeynal Zeynalov
Nicat Ağayev”
